Bazar ertəsi , Sentyabr 26 2022
Qaçan xəbərlər

“Skillzi” Bakı gəzintisinə başladı – VİDEO

Bu gün – futbol üzrə Avropa çempionatının başlamasına 100 gün qalmış AVRO-2020-nin rəsmi talismanı, “Skillzi” çempionatın Bakı şəhəri üzrə fristaylerləri – veteran futbolçu Nuqzar Kvirtiya və Kader Alimova ilə birlikdə paytaxt gəzintisinə çıxıb. 

Həftə.az xəbər verir ki, Yerli Təşkilat Komitəsindən  verilən məlumata görə, “Skillzi” və dostlarının “küləklər” şəhərindəki sərgüzəştləri paytaxt sakinləri tərəfindən böyük maraqla qarşılanıb.

Əlamətdar gündə baş tutan bu gəzinti paytaxta xüsusi rəng qatıb. “Skillzi” və dostları gəzintilərinə Bakının mərkəzindən – Nizami küçəsindən başlayıblar. Daha sonra “küləklər şəhəri”nin tarixi yerlərindən olan İçərişəhərə gedən dostlar Qız qalası, Şirvanşahlar sarayı, Atəşgah, Yanardağ kimi turistik yerlərə, eləcə də bir sıra muzeylərə baş çəkiblər.

Xatırladaq ki, talismanın adı ingilis dilində “bacarıq” mənasını daşıyan “skills” sözündən götürülüb. “Bacarıqlı oğlan” ilk dəfə bu il martın 24-də Niderland və Almaniya arasında matç zamanı təqdim edilib.

A qrupunun 3 oyunu – həmçinin, 1/4 final mərhələsinin 1 qarşılaşması – Bakı Olimpiya Stadionunda keçiriləcək. Püşkün nəticəsinə əsasən, A qrupunda Türkiyə, İtaliya, Uels və İsveçrə milli komandaları yer alıb. Bakıda keçiriləcək oyunların təqvimi:

13 iyun, saat 17:00

Uels – İsveçrə

17 iyun, saat 20:00

Türkiyə – Uels

21 iyun, saat 20:00

İsveçrə – Türkiyə

4 iyul, saat 20:00

¼ final oyunu

(report.az)

Baxın

Koronavirusa yoluxan idmançılar – SİYAHI

Dünyada koronavirusa yoluxan idmançılardan indiyədək 11-nin adı ictimaiyyətə açıqlanıb. Həftə.az xəbər verir ki, onların 6-sı …